من دحين اقلكم لا تخدعكم الصوره تراه طلع معاي مقرمش اكثر من المطاعم عشان كدا اتبعوني حبه بحبه لا تسحبوا عشي

' مو لازم صدور دجاج لاكن بنسبه حسيتها اسهل ' نغسل الدجاج ب المويه والليمون ونصفيها و بعدها نقطعها شرايح مربعات صغيره مو مره وسط ،

و نسوي نفس الحركه لكل الدجاج بعدين نحطهم بزبديه ونحط الملح رشتينن و الفلفل الاسود ونقلب بعدين نضيف البهارات ' اذا مستغنين عن الصوص عادي تحطوه بتزان ' ونقلب بعدها نضيف علبه النشا و الدقيق بتدريج الى ما تحسي ان ما تقدري تقلبي كذا وصلتي للقوام المطلوب

خليهم شويه شغلي الزيت عنار واطيه بس تكون حاره ترا نقلي قليتين يعني دبل فراي الاولى بنار الهاديه عشان يستوي والثانيه عشان يسير مقرمش

بعدها نبدا نقلي قطع الدجاج عنار الهاديه خليها لمده ٥ الى ٦ دقايق و طلعيه و سوي المجموعه الثانيه وتكرري الشي تقلي الدجاج عنار الهاديه و نحطه لحاله

لما تقلي كل الدجاج ارفعي النار شويه وحطي في القلايه الدجاج لا تكثريه ب القلايه عشان يستوو بسرعه ولا تخليه يطول عشان ما يسير يابس وما تقدروا تاكلوا لما ترفعوا النار وتحطوا الدجاج خلوه ٤ دقايق تقريبا وقلبوه بزيت وصفوه لا يطول اكثر من كذا يسير يابس مرا

لما تخلصي كل الدجاج ممكن يقدم لاكن اذا تبي الصوص تحتاحي طاوه حطي فيها الزبدة لين ما تسيح بعدين حطي السكر وحطي ملعقتين العسل ' حطينا عسل عشان يظهر طعمه لاكن لو بدلتي السكر وبالعسل يسير طعمه حلو مره ' بعدها تخفضي النار وتصبي اول فنجال مويه وابعدي عشانه حيفرقع شويه بعدين اضيفي الفنجالين وقلبي الصوص وحطي عصره ليمون عصره بس نقطه بس تحطيه عدجاج ويقلب ويقدم.