نبدأ على بركة الله، نقي البطاطا ونغسلها نقطعها ونحطها في كسكاس تفور، كي تفور نحطعا في إناء وهي عاد سخونة نمرسها بالفرشيطة.

نضيف عليها التوابل (الملح حسب الذوق، الفلفل الأسود، الكركم، تابل الجبن، الكمون، القصبر ناشف) مع 3 فصوص ثوم مبشورين ونزيد مزيج بين المعدنوس والقصبر مطحونين.

ندخل كل المكونات مع بعض ثم نضيف صفار حبة بيض نخلط جيدا وفي الأخير نضيف ملعقة كبيرة شابلور (خبز يابس مطحون)، نغطي الإناء بكيس غذائي وندخلها للثلاجة تبرد، مدة 20 إلى 30 دقيقة.

كي تبرد نكورها كويرات تقريبا متساوية نرمدها في الفرينة ونسطحهم شوية بكف اليد.

ثم نحطهم في بياض البيض ومباشرة في مقلاة فيها كمية من الزيت من الأحسن نخليها تسخن شوية وكي نحط المعقودة نقص عليها شوية باش ما تتحرقش معايا، نخليها تدي لون من تحت عاد نقلبها باش ما تتحلش.

اللي تتقلى نحطها فوق ورق ماص للتخلص من الزيت، تجي بنينة روعة👌🏻.
وتقـدم بألـف صحــة وهنــــا 😋🥔😋.