نحضر صلصة ثومية نحط الماء مع النشا ونخلط جيداً ثم نحطهم على النار مع التحريك حتى تعقد ونخليها تبرد جيداً ،لما تبرد نحط الثوم مقطع على الخليط ونحط الملح والخل ونخلط بالبرا مكسور ونضيف الزيت بالتدريج حتى نتحصل على كريمة ثقيلة نخليها تبرد

نقطع صدر الدجاج ونتبلو بالملح والتوابل ونحط فص ثوم والموطارد والهربسة والخل ونحط المايونيز والزيت ونخليهم يرتاحو حوالى ساعة يشربو التتبيلة ثم نقليهم في مقلاة حتى يطبيبو

نحضر الخبز نحط الفرينة والملح والزيت ونبسس الخليط ثم نضيف الخميرة الكيمياءية والسكرونلم بالماء حتى نتحصل على عجينة ندلكها قليلا حتى تصبح ملساءنغطيها ونخليها ترتاح حوالى نصف ساعة
بعد نصف ساعة نشكل كريات متساوية الحجم ونخليها ترتاح عشر دقائق ثم نطرحها بالحلال نطيبها على طاجين ونقلبها على الجهتبن

نشكل الطاكوس نحط خبز التورتيلا ونضيف كمية من صلصة الثومية وكمية من الهريسة ونخلطهم على سطح الخبز ثم نحط كمية من البطاطا المقلية ونحط الدجاج ثم نحط بصل مقطع ونحط طماطم مقطعة ونحط كمية جبن ونغلق الخبز ونحطو على طاجين ونخليه يطيب ويقدم بالصحة والهنا