بطه محشيه
البط اكله مو كتير منتشره بالاردن بس اللي بحب يجربها طعمها بيشبه طعم طائر الفِر او الزغاليل وهي دسمه وبتنفع للعزايم والبطه عن جاجتين بالحجم والدسم
بطه محشيه
البط اكله مو كتير منتشره بالاردن بس اللي بحب يجربها طعمها بيشبه طعم طائر الفِر او الزغاليل وهي دسمه وبتنفع للعزايم والبطه عن جاجتين بالحجم والدسم
إفتح في تطبيق كوكبادالخطوات
- 1
بعد تنضيف البطه بالملح والليمون ابرشي حبه بصل كامله وافركي البطه بالبصله
- 2
انقعي الرز عجنب والفريكه عجنب
- 3
اقلي اللوز والصونبر بالسمنه البلديه
- 4
اتاكدي من انه الرز والفريكه نقعو منيح وخفت القرشه فيهم اغسلي الرز والفريكه وخلطيهم سوا وضيفيلهم اللوز المبروش والصنوبر وضيفي بعض البهار الخفيف ورشه بابريكا حاره
- 5
افرمي القليل من البقدونس والكزبره والزعتر الاخضر فرم ناعم وضيفي عالحشوه
- 6
احشي البطهواتركي فيها مجال لان الرز والفريكه رح ياخدو مكان لما يستوو وما بدنا الحشوه تطلع من البطه
- 7
بنخيط البطه بعد الحشي وبنحمي القليل من الزيت وبنضيفلو بصله صغيره مقطعه وحبتين لومي وكم ورقه غار بطنجره كبيره وبتقلب البطه لحتى يتغير لونها وتشد
- 8
بتضيفي ماء ساخن للبطه وبتبهري وبتملحي وغطيها لحتى تستوي
- 9
البطه بتاخد وقت طويل بالطبخ لتستوي فما تخافي ازا طولت بدها قريب الساعتين
- 10
بعد ما تستوي بتنزليها عالفرن وبتحمريها
- 11
تقدم مع الكبسه اوي اي نوع رز بتحبوه وصحتين وعافيه❤
الكوكسناب
وصفات مشابهة
وصفات ننصحك بمشاهدتها
التعليقات (2)