منشوح البصل بمعلقتين سمنة ليصير لونهم ذهبي او اغمق بشوي
بعدين منضيف خليط (البندورة والفليفلة الحدة والزنجبيل والثوم كلهم بالخلاط منكون خالطينهم)
ويلي بحب يفرمه ناعم على ايده بصير كمان
بس يغلوا منضيف (كركم وكمون وكزبرة يابسة وشطة بودرة وملح)
بعدين منضيف الدجاج المقطع ومنقلبهم شوي ومنسكر عليهم ليستوي الدجاج
بس استوت منضيف كاسة اللبن والكريمة والكزبرة وبهارات المسالا
ومنتركها تغلي شوي معها لتتعقد كم دقيقة بس وبعدين منحط الكزبرة الخضرا بالاخر

والرز بعمله بسمنة او زبدة وبحط معه شوية عصفر ليعطي لون حلو
ويلي بدول الخليج فيهم يجيبوا اي نوع خبز هندي او باكستاني وياكلوا معه اذا ما بدهم رز 🤗🤗🤗
واهم شي الدجاج اول ما تحسو انو استوى فورا بتضيفو اللبن مشان ما يقسى الدجاج وينشف
ما بياخد وقت لانه صدور دجاج فورا بتستوي