بحضر التتبيلة بضيف جميع المكونات الي ذكرناها مسبقا وبخلطهم منيح لحتى يتجانسوا مع بعض وبضيف عليها شرائح الدجاج الي قطعناهم شرائح رفيعه وبتبلهم منيح وبحطهم بالتلاجه لمده اربع ساعات او ممكن قبل بليله ننقعها..

بعد ما نطلع الدجاج الي نقعناه بكون محميه الزيت بقلايه صاج أو تيفال وبشف عليه شرائح الدجاج بالتدريج هاي الخطوه مهمه ما بضيف الدجاج مع بعض عشان ما تنزل ميتها وتطلع ريحه زنخه للدجاج وبس انزل اول مجموعه وتبلش تنشف الماء بنزل بالمجموعه التانيه وهيك لتخلص الكميةوتتشوح كلها معنا وتتحمر منيح..

هلأ ببلش اعمل سندويشات الشاورما بجيب خبز الشراكة وبقطعه لنصين وبضيف على القطعة متومه وبعدها بضيف من خلطه الشاورما العربي وبضيف مخلل خيار شرائح وبضيف بطاطا هلأ خوه البطاطا هاي اختياريه بس بصراحه بتعطي طعم ولا اروع وبس اضيف المكونات بلف السندويشه وبخلص كامل الكميةأنا الكميةهاي عملتلي تقريبا ١٢ سندويشه سوبر..

ابنيجب لخطوه شاورما الايطالي.. بجيب الخبز الايطالي وبضيف عليه متومه وبدهنه منيح وبضيف خلطه الشاورما بالفطر والكريمه وبضيف عليه شرائح الجبنة وبضيف مخلل خيار وبطاطا وبطبق الخبز فوق بعض وبضغطها حتى ما تتطلع منها المكونات..

هلأ بيجي وقت تحمير السندويشات بجيب جريل وبضيف عليه معلقتين زيت وبس يحمى بضيف السندويشات وبحمرهم من فوق وتحت وبس اخلص بحمر الخبز الايطالي الي حشيناه بس بدنا ننتبه لانه بتحمر بسرعه..

اخر شي بقطع سندويشات السوبر لشرائح عريضه وخبز الايطالي بقطعه حسب الرغبة ل ٦ قطع او ٨ قطع...