الحين نبدأ نسوي البيض نحط الزبدة وفوقها البيض وعلى طول نحط الببروني وبعدها الملح والفلفل الأسود ونغطي عليه وتقدرون تحطون جبن موزاريلا وتغطون عليه على نار هادية لين يستوي

على ما البيض يستوي أبدا اسوي الفول اول شي زيت زيتون وبعدها البصل بس يطلع ريحته أحط الفول وباقي المكونات ماعدا الليمون والطحينه لأن بعد مانطفي النار نحط نحطهم عشان لا يسبب مرورة

لين يتسوي الفول والبيض نبدأ نجهز باقي الأشياء الطماطم والخيار والزيتون وباقي المكونات اللي مكتوبة فوق بس ننتبه على البيض والفول

آخر شي نحط الليمون والطحينه على الفول ونطلع البوريك من الفرن ونحط البيض والفول في طبق التقديم وباقي المكونات نحطها في طبق التقديم ويقدم