إفتح في تطبيق كوكبادالخطوات
- 1
هنسيح الشيكولا ف حمام مائي مع معلقه ذبده كميه علي حسب الرغبة
- 2
هنحتاج رول شفاف (بتاع تغليف الاكل)، ورق ذبده، ورق ملون،شريطه فيونكايه،تيب شفاف و اخضر وأعواد خشب (بتاعة الشيش طاووق)ز
- 3
هنضيف البسكويت المكسر و نقلب
- 4
نطفي علشان تهدي شويه
- 5
تلبس جلافز و علي ورقة ذبده هنعمل كور من الشيكولا و نحط ف قلبها البندقايه.
- 6
و نقففها كويس و نرصها ع الورق (اهم حاجه السرعه قبل ما الشيكولا تجمد تاني)
- 7
نستني لما تبرد و بعدين نحطها شويه ف التلاجة.
- 8
و بعدين نجيب الاكياس الشفافة و نقطعها مربعات و نلف كل واحده شيكولا لوحدها
- 9
نحط كل واحده شيكولا ف عود خشب
- 10
نبتدي نلف الورق الملون بعد ما تم قصه بعرض حوالي 5inch و نلف حول الشيكولا و نكشكش ف الورق
- 11
و ف الاخر نلفها ب تيب شفاف، و بعدين نغطي العود كله ب تيب اخضر، زي الورد الطبيعي.
- 12
هنربط الوردات من طروفها تحت ب استيك مع بعض و بورق شفاف من نفس النوع اي لون او لفة الخيش بتبقي تحفه، اي شي حسب المتوفر و نلفها زي بوكيه الورد الطبيعي.
- 13
و من بره نحط شريطة فيونكايه
- 14
بجد هديه قيمة جدا و طعمها تحفه.
- 15
و الف هنا و هنيا للي هتروحله هديه :) :) :)
الكوكسناب
Keywords
وصفات مشابهة
وصفات ننصحك بمشاهدتها
التعليقات