نبدا بسم الله ونجيب ريسبسيون نحط فيه حبة بيضة وربع كاس سكر ونخلط بالفوي مليح ثم نضيف ربع كاس زيت ونواصل الخلط ثم نضيف ربع كاس حليب دافئ مع م ك فانيلا ونخلط مليح

ثم نضيف م ك كاكاو بني وكاس فرينة ونخلط مليح مع نصف كيس خميرة الحلوى ونخلط مليح

بعد ما خلطت مليح نجيب مول ندهنو بالزبدة ونرشو بالفرينة ونفرغ الخليط تاعي ونحطو يطيب في فرن مسخن من قبل

بعد ذلك نجيب ريسبسيون نحط فيها نصف كاس شانتي ونصف كاس حليب نضيف نصف فقط ونخفق مليح ثم باقي الحليب نحط فيه 2م ك فلان ذوق فانيلا ونواصل الخفق حتى يتضاعف حجم كرام شانتي

بعد ماخفقت الكريمة نخليها على جنب ونخرج المول تاعي بعد ماطاب الكيك نثقبو ونشربو بنصف كاس حليب او نصف كاس قهوة ثم نفرغ خليط الكريمة

نسويه مليح بالسباتيلا وندخلو الثلاجة

فالاخير نحضر قناش الشكولا نجيب ربع كاس حليب مع م ك زيت وم ك شانتي ونحطو عالنار حتى يغلي الخليط ثم نضيف علبة شكولا ذوق الحليب ونخلط مليح حتى تذوب ثم نفرغ خليط الڨناش من فوق وندخلها الثلاجة تتماسك

بعد ذلك نجيب سكين نسخنو مليح ونقطع الكيك تاعي ثم نعمل روزاسات بالكيس الحلواني

فالاخير شكل النهائي لطرونش باتسري ذوق الشكولا وجوز الهند

بعد ماقطعتو وقدمتو مع قهوة العصر جاء ماشاء الله