نجيب كمية من بقايا الكيك نفتتها مليح ثم نحطها فالاشوار ونرحيها مليح ثم نقراها في صحن نضيفلها 2م ك معجون ونخلطها مليح حتى نتحصل على عجينة

نجيب ورق شفاف ونحط عليه العجينة ونحلها بالحلال رقيقة ثم نقطعلها الاطراف ثم نطلع الكرام شانتي تاعي مع نصف كاس حليب ونضيفلها نصف علبة شكولا بالحليب ذوبتها على حمام مائي ونخلط الكل مليح

نحط الكريمة فوق الكيك ونحلها مليح ثم نقطع حبات من الفروالة مربعات صغيرة ونحطها مباشرة فوق الكريمة

نلف مليح الرولي تاعي بورق شفاف ثم نغلفو وندخلو المجمد حتى يتماسك مليح

بعد ماخرجتو من المجمد ننزع الورق شفاف ونحطو فوق سيينة ونجيب شكولا الطلي نخففها بالزيت ونحط فيها كمية من الكاوكاو المحمص ومرحي ونخلط مليح

نفرغ خليط شكولا الطلي فوق الرولي ونزينو بحبات من الفراولة وندخلو الثلاجة يتماسك

فالاخير نخرجو ونقطعو ونقدمو مع قهوة العصر