انا نعرف ثلاث طرق لاستخدامو

الطريقة الاولى نخلطوه مع الفريك مثال كاس بودشيش مع كيلو فريك مرحي ونستعملوه للشربة

الطريقة الثانية هي شربة مرمز ونستخدمو فيها بودشيش وحده مرقة حمراء مع سيقان كرفس وكربوط حار وقطع لحم او دجاج وعوض الفريك نرمي البودشيش هي صحية اكثر وماتوجعش في المسران الغليظ

الطريقة الاخيرة وهي نحكم البودشيش تاعنا نفور ه كيما البربوشة ونعاودها كيف كيف ونستخدم مرقة حمراء باللحم اوالدجاج ومن التحسن لحم الخروف وخضار وفي الاخير نسقو البودشيش بالمرق ونزينوه بالخضار والحمص واللحم

وان شاء الله نكون فدتكم