بسم الله اللهم صل وسلم وبارك على سيدنا محمد وعلى اله وصحبه اجمعين وسلم تسليما كثيرا الى يوم الدين ❤️هننقع الحمص ليله كامله ونغير الميه عليه كل شويه ونخليه يتصفى

في الكبه نضرب الخضره كلها والبصل والثوم ونضيف عليهم الحمص ونضيف نص كوبايه الميه بالتدريج مع الضرب ونراعي اننا ما نزودش عن نص كوبايه الا لو احتاجت فمعلقتين كمان وبس

نضيف رغيف الفينو ونكون شايلين الطبقه الخارجيه ليه و نمزج كل المكونات

لو هنفرزها مش هنضيف البهارات ولا الملح عشان ما يغيرش طعمها ولا طعم البهارات يبقى ضعيف وساعه القلي هنضيف الملح حسب الرغبه ورشه من البهارات على حسب الكميه مع السمسم مع رشه الكربونات

ممكن اثناء القلي نضيف بيضه او اثنين حسب الكميه المستخدمه من عجينه الطعميه بتخليها هشه اكتر ومقرمشه وممكن نعمل منها عجه وممكن نقليها باضافه رشه كربوناتو من غير بيض

ملاحظات هامه
📌 ننقي الحمص اللي لونه فاتح ويكون كبير مش غامق وصغير عشان يبقى طري وسهل في الضرب وينفش
📌هنضرب المكونات في الكبه شويه شويه ونخليها ترتاح ونرجع نضرب تاني ما نستعجلش عشان الكبه ما تبوظش مننا
📌ممكن نعملها كمان في الخلاط بس ساعتها هنضيف نص كوبايه الميه الاول ونضرب الحمص مع الخضره سوا وبرده حبه حبه او بمفرمه اللحمه وساعتها هنختار الوش الضيق خالص والخضره والبصل والثوم هنضربهم في الكبه كويس جدا وبعدين نمزج كل المكونات سوا
📌 ممكن نعملها بفول البسارة وساعتها الكرات أساسي معايا

📌لو مش متوفر الكرات البلدي هنستخدم مكانه البصل الاخضر
📌 رغيف الفينو اللي بنحطه ده بيخليها تبقى متماسكه وتشرب اي سوائل بتنزل من الخضار او البصل وما تفكش وهي بتتقلي😉
جربوها بطريقتي يا رب تعجبكم ويا رب سحور سعيد علينا وعليكم كل عام وانتم بخير

اخيرا اللهم اغفر لجدتي زينب واسكنها الفردوس الاعلى من جناتك يا رب العالمين🤲