اولا تقطعين كل المقادير لمربعات بما فيهم الدجاج ، البطاطس ، القرع ، الجزر (مربعات وسط) البصل ، الثوم تفرمينه ، فلفل الرومي ، والطماط (مربعات صغيره)

على نار هاديه تحطين الزيت في اناء الطبخ وتضيفين البصل ثم الثوم بعد مايتغير لونه تحطين مكعبات الدجاج وتحركينه شوي لين يتغير لونه ثم تضيفين فلفل الرومي

بعيدين تحطين البهارات (كاري ، مهران ، كمون ، فلفل اسود ، ورق غار ، كركم) ع حسب رغبتك ) والقرفه ومرق الماجي واليمون الاسود وبعده تضيفين ملعقتين ك معجون طماط وتضيفين الخضار والماء على حسب لين يغطي الخضار شوي وتغطينه

تسلقين الرز (المغسول والمنقوع) بماء وزيت وملح على حسب كمية الرز تضيفين (اعواد مسمار وهيل واعواد قرفة وليمون اسود حبة) عشان تعطي طعم.. على نار هاديه

مدة الطبخ على حسب الكمية الي بتسوين من 20 دقيقه ل 30 يمكن اقل او اكثر ،،، اخذ من وقتي نص ساعه

بعد مايخلص اليدام والرز تاخذين صحن شوربة وتحطين من الرز فيه وتضغطينه بخفيف وتجيبن صحن التقديم وتحطينه فيه بيعطيك نفس شكل الصحن تحطين الايدام جنب او بصحن ثاني على حسب رغبك وتحطين جنبه ليمون او فوق الرز نفس الي انا مسويه........ وبالعافيه