نبدأ بسم الله ونجيب ربع صدر دجاج مرحي نحط عليه ملح وفلفل اسود وزنجبيل و2سنات ثوم مرحيين ثم نجيب صحن آخر نحط فيه كاس ارز بسمتي ونشمخو في الماء ونصفيه حوالى 5مرات ونحط في كسرونة 2كاس ماء يغلي مع ما ص ملح وم ص كركم ونحطو على النار ثم نضيفلو حبة جزر نقطعها قطع صغيرة ونضيف حبات من الجلبانة (البازيلا) ونخلي الماء يغلي كي يقربو يطيبو

نرجع نشكل اللحم المرحي الى كرات صغيرة ثم نحط مقلاة نحط فيها ما ك زيت ونحطها على النار ونحط الكرات تتحمر

نبقا نقلب فيهم حتى يطيبو ونحطهم في صحن ونرجع للكسرونة نضيف كاس الأرز ونخليه يطيب

نصفي الأرز في كسكاس ونخليه يقطر تماما وفي نفس المقلاة بعد ماغسلتها نحط كمية من صلصة طماطم مجهزة في البيت ونحطها على النار ثم نحط حبات الكفتة

بعد ذلك نحط كمية من الجبن المبشور ونخليه يذوب مليح ثم نحط كرات اللحم في صحن ونحط الأرز تاعي في المقلاة مع هذيك الصلصة ونبقا نقلب فيه حتى يتشرب الصلصة

فالاخير نجيب صحن التقديم ونحط الأرز بالشكل لي في الصورة ثم نحط كرات الدجاج مع جنب جات وجبة خفيفة دون قليان دون زيوت عشاء خفيف وصحي