نسخن الزيت والسمنة جامد🔥

سلقت الاول القوانص حوالي نص ساعةاو ساعةالاربع. لحد لما طلعت عينيها وعذبتها😁.

ونقلب لحد لما تاخد لون

وكده بقيت نص سوا ونوسع مكان.. ونقولها وسع وسع بصوت احمد سعد😅

وننزل بالتوم القطع

ونقلب لحد لما ريحتها تطلع وتوصل للجيران عشان نجوعهم ونغيظهم😝 لا عيب بهزر خليكوا طيبين وخبطوا عليهم وادوهم يدوقوا💪😅

وننزل بالكبده بتاعت الفراخ🐔 اللي ياعيني زعلانة عشان اخدتوا كبدتها وقوانصها😥

ونحط فلفل اسود عشان التوم والفلفل الاسود بيخليها مايبقاش فيها زفارة ونقول يع وكخ😂

وهنقلبها اول ماتاخد الصدمة العصبية هي كمان😅ولما تاخد لون عشان ماتنزلش المية بتاعتها برضوا زي القوانص وتغرقلنا الدنيا 💦

وكده بقيت نص سوا

هننزل بالفلفل الاخضر.. وانا مرضيتش انزل بيه في الاول عشان مايفقدش القيمة الغذائية ويدبل وانا مش ناقصين يجيلنا ضعف وانيميا🥴

وننزل بقي بالتحديقة الخطيرة اللي هتقلب ريحة شقتك ويطلعوا جيرانك راسهم من الشباك... ويسألوا عن مكان الريحة الحلوة دى.. وطبعا تقولي بكل فخر دي رحتي انا..🤗 قصدي ريحة كبدتي وقوانصي😂

ونقلب

وهنغطيها شوية لحد لما تستوي

واول ماتستوي نطفي عليها وننزل بعصير الليمون.. الليمون🍋 فايدته انه بيخلي لونه مايتغيرش