منبلش بالدجاج بالفرن بغسل الدجاج بالماء والملح والخل وبعدين بس بغسلها بماء عادية بصفيها بالماء وبنزلها بالصينية مع البطاطا المقطعة دوائر والبصل وبحضر التبلة الزيت والماء والدبس البندورة والبهارات وبحركهم وبنزلها فوق الدجاج وبحطها بالفرن ساعة ونص او اكثر حسب البطاطا

و بعدين هلق مناخود لحمة الكفتة ومنحط فوقها صفار البيض بس ومنحط بياض البيض على جنب والملح والفلفل والبهارات والكزبرة المفرومة والبصل ومنعجن

بعدين بحط البقسماط او طحين انا حطيت طحين وعجنت وكل شوي حط على ايدي بياض البيض مشان ما تلزق اللحمة بأيدي

بعدين باخود شقفة وبدعبلها وبكبسها على قد كف ايدي نصيحة (القطعة تكون شوي كبيرة لان رح تكش عالقلي) و بس اخلص دعبلة وبحط ملعقتين سمنة كبار وبس تبلش تذوب بنزل اللحمة وبخلي اللحمة تاخود لون بني غامق

و بس اخلص اللحمة بشيلها وبحطها على جنب وبنفس السمنة بنزل الفطر والذرة

و بقليهم منيح وبنزل الثوم والليمون فوقهم مع التحريك المستمر

انا هون بكون قليت بطاطا وحطيتها بالبايركس وحطيت فوقها اللحمة وبنزل فوقها الفطر والذرة والحمض. و عملت ناحها طرطور طحينة وليمون وثوم. و بالعافية ❤️❤️