نخلط الفرينة وليدام ولافاني وقرصة الملح ونبسس مليح ونجمع بماء الزهر قوام العجين يكون طري نوعا ما وضروري ترتاح نحلها وندير نشاء وندير تور سامبل نحطها من جهة اليمين ونزيد نحلها بالنشاء ونزيد ندير تور سامبل.

نحلها رقيقة نطبعها بمول دائري ونحطها فليمول.

الحشو:
نسخن الكوشة مليح ونطفيها أومبعد نحط الكاوكاو داخلها حتى تبرد باش نرحيه ،
ندير 3كيلات كاوكاو مرحي مع كيلة ناقصة أصبع سكر ونعاود نرحيهوم جيدا مع بعض نزيد لافاني ومبشور ليمون وفي صحن آخر نخلط بيضة و ملعقتين ماء الزهر وملعقتين عصير الليمون جيدا ونزيدهوم تدريجيا للخليط يكون طري ونزيد ملعقة زبدة ندخلها مليح ونخليه يبات لنجاح الوصفة.

ندير الحشو كريات صغار حسب المول الموجود،ونحط داخل العجينة وبواسطة بوشون ندير شكل مروحة ونزين بكاوكاوة ولا لوزة وندخلهوم يطيبو حتى ياخذو اللون المحمر.
لتحضير الشاربات:
كاس سكر وكأس ونصف ماء وشريحة ليمون يغليو مدة عشر دقائق ونضيف كأس عسل،مباشرة بعدما يطيبو نحطهوم فشاربات مدة خمس إلى عشر دقائق ولازم تكون باردة.
وشهية طيبة