سوفلي بالعجينة المورقة
إفتح في تطبيق كوكبادالخطوات
- 1
نقوم بتحضير العجينة المورقة:
كيلو فرينة وملعقتين خل ،ملح والزيت نخلط شوية ونجمع بالماء البارد نلمها بدون عجن، و تكون حاكمة روحها بزاف ماشي كامل متلوقة باش الزبدة ما تخرجش. - 2
نقطع الزبدة إلى شرائح ونحطهوم فورق طهي وحدة قدام ختها و نغلق بورق طهي آخر ونحل تكون رقيقة والزبدة تكون ماشي فالثلاجة.
- 3
نحل لعجينة مستطيلة نحط الزبدة في وسطها ونغلق عليها العجينة من الجهتين نحلها بالطول وندير تور سامبل التور الأول ما يتحسبش، ونخليها ترتاح ونزيد نحلها بالطول وندير تور دوبل والفتحة تكون من جهة اليمين ترتاح ونزيد تور دوبل ترتاح ونزيد تور دوبل ومع الأخير تور سامبل.
- 4
نقطع طماطم ونزيد الثوم وزعيترة وملح وفلفل أسود وعكري نخليها تتقلى على نار قليلة مع الأخير نزيد ملعقةطماطم علب ونميكسي ونزيد علبة تونة طماطم.
- 5
نحل لعجينة رقيقة ونقطعها دوائر وبالحلال نحلهوم شوية أوفال ندير صلصةطماطم وجبن طري ومبشور الجوانب ندهن بالماء ونغلق وندهن بالبيض.
- 6
طريقة الطهي:نشعل الفرن مسبقا حوالي نصف ساعة وندخل السوفلي يطيب على نار قاوية حتى تطلع باش نقص للفرن ونخليه يطيب على نار قليلة.
وصفات مشابهة
وصفات ننصحك بمشاهدتها
التعليقات