ساندويتش الخبز المنفوخ
إفتح في تطبيق كوكبادالخطوات
- 1
نقوم بتحضير العجينة:
نخلط كاس حليب وكاس ماء و العسل وخميرة الخبز وكاس سميد ونخليهوم يخمرو مدة ربع ساعة. - 2
بعدما يخمرو نزيد كأسين فرينة ونصف ملعقة صغيرة خميرة الحلوى،وملعقة صغيرة ملح وملعقة لحضة ونزيد الفرينة حتى تتلم مع الأخير نزيد ملعقتين زيت نخليها تخمر.
- 3
ندير كريات ونرمدهوم فالسميد نخليهوم يزيدو يخمرو في طاولة العمل نرس سميد ونحل كل كرية بسمك رقيق ونخليها تزيد تخمر ونطيبها فالطاجين نحسب 10ونقلب نزيد نحسب ونقلب باش يجي منفوخ.
- 4
الحشو:
ندير الدجاج المرحي وزيت وعصير ليمونة وكل التوابل والتوم و البصل المرحي نمارينيه مليح ونزيد بيضة ندير كريات ونشمخ يدي في القليل من الماء نحبطهوم شوية ونقليهوم. - 5
بعدنا نحي الكريات فنفس المقلة ندير كاس ونص حليب مع ملعقة فرينة وجبن طري ومبشور وملح وفلفل أسود،
- 6
نحل الخبز المنفوخ وندير صلصة شاورما نزيد البطاطا المقلية نزيد صلصة الجبن المحضرة،نزيد كريات الدجاج ،شرائح الطماطم و السلطة وممكن هريسة و مايوناز.
وشهية طيبة.
وصفات مشابهة
وصفات ننصحك بمشاهدتها
التعليقات