بان سويس:
وصفة رائعة وبزاف بنينة أحسن من كل وصفات بان سويس لي جربتها بطريقة سهلة ويجي مورق فقط بزبدة فلوريال وندير نفس طريقة العجينة المورقة .
بان سويس:
وصفة رائعة وبزاف بنينة أحسن من كل وصفات بان سويس لي جربتها بطريقة سهلة ويجي مورق فقط بزبدة فلوريال وندير نفس طريقة العجينة المورقة .
إفتح في تطبيق كوكبادالخطوات
- 1
للعجينة:
نخلط كأسين حليب وملعقة خميرة الخبز و5ملاعق سكر وملعقة لافاني نزيد بيضة وربع كاس زيت نخلط جيدا ونطم بالفرينة تكون لعجينة طرية نعجنها مليح ومع الأخير نزيد ملعقتين زبدة ونخليها تخمر. - 2
في ورق الطهي نحل مارغارين فلوريال رقيقة.
نحل لعجينة مستطيلة ندير مارغارين فلوريال في وسطها ونغلق عليها من الجهتين نحل العجينة بالطول وندير 3تور سامبل و الأخيرة تور دوبل نفس طريقة العجينة المورقة. - 3
مع الأخير نحلها رقيقة ومستطيلة وندهن بشوكولاطة الطلي وندردر فارميسال ولا بيبيت شوكولا ونرولي ونقطع بالموس ولا بالخيط،نحبط شوية بيدي ونحط فالسنيوة وندهن(بصفار بيضة شوية ملح وخل ولافاني وقهوة).
- 4
نخليهوم يزيدو يخمرو حتى لنصف ساعة وندخلهوم يطيبو على نار قليلة.
بعما يطيبو ندهن بلاجولي وندير فارميسال ورشة سكر ناعم.
ملاحظة:(من الأحسن في فصل الصيف ما نسخنش لحليب نديرو بدرجة حرارة الغرفة لأنو مع العجن لعجينة تسخن وإذا لحليب كان دافي مع حرارة العجن تفسد لعجينة وصراتلي شحال من مرة).
وشهية طيبة
وصفات مشابهة
وصفات ننصحك بمشاهدتها
التعليقات