نبدا بسم الله ونجيب صحن نحط فيه كمية من الجلبانة وفي صحن آخر نحط كمية اللحم المفروم نضيفلو ثوم مرحي ومعدنوس مقطع رقيق وملح وفلفل اسود وزنجبيل وم ص توابل لحم ونضبف حبة بيض نخلط الكل مليح ثم نضيف م ك فريكة ناعمة ونواصل الخلط ثم نشكل اللحم على شكل اصابع

بعد ذلك نجيب طنجرة نحط فيها حبة بصل مرحية مع سنينات ثوم مرحيين ونضيف معدنوس مقطع وملخ وفلفل اسود وزنجبيل وتوابل اللحم وم ك زيت ونحطها عالنار تتقلى مليح ثم نضيف كمية الجلبانة (البازلاء) ونقلي مليح

نمرق بكمية من الماء وكي تغلي نضيف اصابع الكفتة ونغلق الطنجرة ونخليها تطيب مليح

بعد ذلك نفتح الطنجرة ونخلي المرق يثقال ونطفي النار عليها

فالاخير نجيب صحن التقديم ونحط اصابع الكفتة مع الجلبانة