فضيت علب الحمص من المي تبعيتهم وغسلتهم وبعدين حطيتون بطنجرة مع مي نضيفة ع نار هادية ليغلو والمي تاخد طعمة الحمص

قطع الخبز مربعات بحجم يلي حاطتون عالوجه وصفيتون بالبيركس وباخد وبع معلقة صغيرة توم مدقوق وبخلطها مع الخبز

بحط الطحينة مع باقي التوم وملح وحامض وبخفقون ليصيرو صوص سميك شوي واذا كان جامد كتير منقدر نخففو بمي ومنزبط الملح والحامض حسب الرغبة

منجيب رغيف الخبز تبع الوجه ومنقلي بزيت غزير ومنحطو ع جنب

منضيف الحمص والمي تبعو فوق الخبز العادي شوي شوي مشان مانكتر مي لتخلص الكمية منحركون شوي منضيف صوص الطحينة فوقو

منزينو ب كمون وفليفلة بودرة منحط فوقو الخبز المحمص واذا بتحبو بقدونس مفروم

الزيت يلي قلينا في الخبز منحمي منيح وبعدين منحطو فوق الفتة وصحتين وهنا يارب ان شالله تعجبكم