نبدأ بسم الله ونجيب رسبسيون نحط فيه كاس ماء دافئ مع 3م ك سميد وم ك خميرة الخبز وم ك سكر

نخلط مليح ثم نضيف ربع كاس زيت ونواصل الخلط ثم نضيف فالاول كاس دقيق القمح الكامل مع ما ص ملح وم ص خميرة الحلوى

نبدأ نخلط مليح ثم نضيف گاس ثاني من الدقيق ونلم العجينة ونضيف بعد ذلك نصف كأس آخر ونلم العجينة ثم نضيفلها ما ك زبدة وندخلها في العجينة مليح

نلم العجينة ونغطيها بورق شفاف ونخليها تختمر

بعد ذلك نحضر الحشو الخاص بالساندويتشات نجيب كمية من كبدة الدجاج نقطعها مربعات صغيرة ثم نقطع حبة فلفل حلو شرائح رقاق وكذلك حبة فلفل حار ثم نجيب مقلاة نحط فيها 2م ك زيت ونحطها على النار نضيف فالاول الفلفل الحلو والحار وكذلك شرائح البصل ونقليهم على نار هادئة

نرجع العجينة بعد ما اختمرت نهبطلها الخمور ونحطها على سطح العمل نعجنها 5 دقائق ثم نقطعها الى 6كرات متساوية

نشكل كل كرة شكل خبزة دائرية حتى نكمل كامل الكرات ونحطها فوق ورق طبخ في صينية الفرن ونخليهم يعاود يختمرو مجددا وندهنهم بصفار بيضة ونسخن الفرن مسبقا وندخل الصينية الاولى تطيب اي تستوي

نضيف بعد ذلك الملح والفلفل الاسود والبابريكا وراس الحانوت وم ص من الكمون ونقلي مليح ثم نضيف صلصة طماطم ونقلي مليح

بعد ذلك نضيف ما ك طماطم مصبرة نحلها في كأس ماء ونضيفها على خليط الكبدة ونخلي الكل يطيب مليح ومن جهة اخرى نكون قليت 2حبات بطاطا لتزكية الحشو ثم نضيف البطاطا مباشرة على الحشو

نضيف كمية من المعدنوس (بقدونس)ونطفي النار على الحشو ونرجع نخرج الصينية الاولى بعد ماطاب الخبز

شكل خبز الساندويتش بدقيق القمح الكامل جاء بزاف خفيف وطعم هائل عوض دقيق القمح الابيض القمح الكامل صحي اكثر ونرجع نطفي على الحشو بعد ماطاب ونفرغه في صحن ثم نفتح الساندويتش بسكين منشاري ونطليها بجبن قطع

ثم نحط كمية من الحشو ونغلق الحبة حتى نكمل كامل الساندويتشات كما يمكن كذلك تناوله في صحن التقديم مع التغميس بخبز الساندويتش

الشكل النهائي الساندويتشات الكبدة نتمنا تجربوه ونحاول نعوض دقيق (الطحين الابيض بطحين القمح الكامل)