اول حاجه بجيب صينيه ونضع ورق زبده ثم نشكل ١١ قطع صغيره من شكولاته السبريد ونضعها في الفريزر

نبدا بالعجينه : في بوله نضع (الزبده + السكر البني + السكر الابيض) ونضربهم مع بعض بالسبتيوله لحد ما يفتح لونه ويبقي كريمي

ثم ننزل (البيض + الفانيليا) ونكمل ضرب

في بوله ننخل (الدقيق + الكاكاو + بيكنج صودا + ملح) ونخلطهم سوا كويس

ثم ننزل بيهم علي خليط الزبده ونقلبهم سوا (اهم حاجه العجينه بتكون طريه ومش بتلزق)

ثم ننزل بقطع الشكولاته (دارك + الحليب + الابيض) نعمل مكس بينهم ونقلبهم مع العجينه

ونقسم العجينه ١١ قطعه

ثم ناخد كل كوره ونفردها ثم نضع قطع الشكولاته الاسبريد المجمده ونقفل عليها ونكورها ونعمل اشكال باصابع الايد زي الصوره كده

ثم نجيب علبه ونضع ورق زبده ثم نرص الكوكيز ونقفل العلبه ونضعها في الفريزر يوم كامل

تاني يوم بجيب صاج فرن ونضع ورق زبده ونرص الكوكيز علي مسافات متباعده عن بعض

ثم تدخل فرن سابق التسخين علي ١٨٠ درجه لمده ١٥ دقيقه بالظبط.. لحد ما اللمعه تروح ومينفعش تقعد اكتر من كده في الفرن (اول ما بتطلع بتكون طريه من الوسط ودا المطلوب)

واول ما تطلع نرش رشة ملح بسيط خالص بتعادل حلاوة الكوكيز ونتركها تبرد تماما ومنحركهاش من الصينيه ثم نقدمها او نحفظها في اكياس الكوكيز

وممكن قبل ما تبرد اول ما تخرج نضع علي وش الكوكيز وهي ساخنه قطع شكولاته بتسيح وبتبقي يمي وبالف هنا

ملاحظات : ١- السكر لازم يكون رطب لان الرطب بيساعد ان السكر يدوب اسرع
٢-سكر بني في البيت افضل
٣- كوب الاربع شوكلت شيبس لو عاوزها محشي
٤- وزن ١٠٠ جرام ساده حلو
٥- لو خلينا السكر بودر او مجمدناش الكوكيز قبل التسويه الكوكيز هتفرش منك ٦-وايضا الدقيق انزل بيه بتدريج ٧- الشوكلت شبيس الصغيره مش حلوه في الوصفه النوع الكبير افضل انا استخدمت نوع كوالتي تارجت