نبدا بسم الله ونجيب رسبسيون نحط فيه 250غ زبدة بحرارة المطبخ وكاس سكر ناعم ورشة ملح ونخلط بالخلاط الكهربائي حتى تصبح كريمة

نضيف بعد ذلك م ك عسل و4م ك زيت ونواصل الخلط مليح

ثم نضيف 2صفار بيضة وحبة بيض كاملة ونصف كاس نشاء ذرة ونخلط مليح ثم نبدا باضافة الفرينة المغربلة بالكأس حتى نكمل 4كأس فرينة وم ص خميرة الحلوى

ونبقا نلم حتى نتحصل على عجينة طرية نوعا ما ثم نجيب كيس حلواني من قماش ونحط فيه قمع خاص بالبوتي فور ونقسم العجينة إلى قسمين جزء نشكلو بوتي فور والجزء الاخر نشكلو شكل صابلي قلب

نجيب ورق طهي نحطو في سيينة ونحط فيه حبات البوتي وفور وحبات الصابلي

نشعل الفرن يسخن من تحت وندخل السينيات يطيبو بالوحدة حتى نكمل كامل العجينة ونخرجهم ونخليهم يبردو تماما

نستف حبات الصابلي مع بعض وحبات البوتي فور مع بعض ونجيب معجون المشمس ونلصق كل 2حبات مع بعض

بعد مالصقت حبات البوتي فور بالمعجون نخليه يجف تماما ونزينو بخطوط من الشكولاتة

فالاخير شكل البتي فور تاعي جاء بزاف هشيش