نبدا بسم الله ونجيب رسبسيون نحط فيها 4كاس طحين القمح الكامل ونضيف م ك خميرة الخبز وم ك سكر وربع كاس زيت ونخلط الكل مليح ثم نضيف م ص ملح

نبدا نضيف فالاول كاس ماء دافئ ونلم العجينة ثم نكمل كمية الماء حتى نتحصل على عجينة نغطيها بورق شفاف ونخليها تختمر

بعد ما اختمرت نهبطلها الخمور ونشكلها حربوش ثم نقطعها الى 6كرات

نشكلهم كرات نحطهم فوق ورق الطهي في سينة فرن ونرجع كل كرة نحشيها ب م ك جبن طري ونعاود تغلقها من جديد ونحطهم فالسينية

ندهن الخبيزات بصفار بيضة ونزينهم زيتون اسود واخضر مقطع شرائح رقيقة ونخليهم حوالي 10د ثم نشعل الفرن يسخن وندخلهم يطيب. من تحت ثم نشعل عليهم من فوق يتحمرو

فالاخير نخرجهم ونخليهم يبردو ونقدمهم مع حساء الخضار او شربة