نبدا بسم الله ونجيب علبة زبدة 250غ نحطها في كسرونة. تذوب قليلا وبنفس العلبة نجيب رسبسيون نحط فيه 3كيلات سميد متوسط

تذوب الزبدة بالطريقة لي فالصورة ثم نحط العلبة فيها الزبدة ونكمل باقي الزيت حتى يسيح فالرسبييون ونتوقف

نبدا نبسس وندخل الزيت فالسميد مليح باليد حتى يصبح بالشكل لي فالصورة

نجيب نفس العلبة ونحط فيها ماء ساخن نضيفلها م ك عسل (العسل يعطينا لون الاحمر المبرجة) ونضيف م ص ملح ونبدا نضيف فالماء ونلم العجينة بالاصابع دون عجنها

نبقا نضيف فالماء ونلم العجينة على جنب وكمية الماء حسب توعية السميد انا ماكملتش كيلة الماء

نرجع نحط في رسبسيون اخرة 600غ عرس (عجينة التمر)نعجنها مليح ونطريه بالماء الساخن ونعجن مليح ونضيف م ك زبدة ونعجن جيدا ونشكلها كرة ونغطيه

بعد ذلك نجيب ورق شفاف ندهنو بالزيت قليلا ونحط كمية الغرس ونغطي بورق شفاف آخر ونحل الغرس بالحلال ثم نرجع العجينة تاعي نحلها من جديد ونشوف اذا نقصها ماء نزيدلها القليل دون عجنها نلموها فقط ونقسمها إلى قسمين متساويين

نحل العجينة الأولى فوق ورق بلاستيكي ونطوي الجوانب ثم نرجع نحب العجينة مرة أخرى تكون نفس قياس الغرس نحمل الغرس بالورق الشفاف ونحطو مباشرة فوق العجينة و نضغط عليه قليلا

ونزيد نحب العجينة الثانية بنفس الطريقة الأولى ونحطها فوق الغرس ونسويها مليح بالحلال وننزع الورق البلاستيك من فوق ونقطعها الى مربعات نحاول تكون متساوية ونبدا نقطع بالحبة

نجيب 2كوبات ونسوي كل حبة من الجوانب حتى نكمل كامل الكمية

بعد ذلك نخليها ترتاح حوالي نصف ساعة او اكثر اذا كان عندك الوقت بعد مرور. نصف ساعة نجيب طاجين المسمن او طاجين حديدي نشعل الموقد يسخن على نار هادئة إلى متوسطة ونحط فالاول طاجين الطين ثم فوقه طاجين الحديد ونخليه يسخن ونبدا نحط حبات المبرجة فالطاجين تطيب

نقلب المبرجة من كلا الجهتين حتى تصبح محمرة ونبقا نطيب بنفس الطريقة حتى نكمل كامل الكمية ونحطها في صحن ونخليها تبرد تماما

صورة الاداه لي طيبت وقلبت بيها المبرجة

الشكل النهائي المبرجة جات بذاف هشة ولذيذة وهيا من الحلويات التقليدية فالجزائر يحضروها امهاتنا فالربيع احتفالا بقدومه تقدم مع كأس من اللبن او الحليب كما يقدم تقديمها مع فطور الصباح