سمنة بلدي من قشطة اللبن 😉
الناس اللي بتشيل وش اللبن ومش عارفة تعمل بيه ايه تعالو هنا وانا حقولكم علي اسهل طريقة تحولوا النشطة دي لسمنة بلدي تحفففففففة.. تابعوا معايا 😍😍
سمنة بلدي من قشطة اللبن 😉
الناس اللي بتشيل وش اللبن ومش عارفة تعمل بيه ايه تعالو هنا وانا حقولكم علي اسهل طريقة تحولوا النشطة دي لسمنة بلدي تحفففففففة.. تابعوا معايا 😍😍
إفتح في تطبيق كوكبادالخطوات
- 1
في الاول حنبتدي نخزن وش اللبن اللي مش بنستخدمه في علبة كبيرة تقريبا بحجم البرام الكبير وطبعا حنحطها في الفريزر
- 2
لما تتملي العلبة حنسيبها تفك من التجميد ونحطها في حلة وعليها رشة ملح علي نار هادية جداااا
- 3
تفضلي متبعاها مع التقليب المستمر
- 4
حتفضل تغلي لحد ما تبتدي تفصل وبرده بتقلبي عشان مش تتحرق
- 5
بعد تقريبا ساعة الا ربع (والوقت بيبقي علي حسب الكمية) حتفصل السمنة
- 6
حنقلب لحد المرتة تاخد لون دهبي ونطفي عليها
- 7
حنسيبها تهدا من سخونيتها شوية وبعد كده تصفيها كويس وتحطيها في برطمان زجاج معقم
- 8
في ملحوظة صغيرة بس ان المرتة بتاعتها خشنة شوية ومش بنفس طعم المرتة بتاعة الزبدة الفلاحي بس ممكن تنضرب في الكبة وتنعميها وتستخدميها زي ماتحبي
- 9
وبالف هنا وشفا يااارب 😍 😍
وصفات مشابهة
وصفات ننصحك بمشاهدتها
التعليقات