نبدأ بسم الله ونحضر الحشو أولا نجيب ربع صدر دجاج حبة جزر نبرشها ونقطع حبة بصل رقيقة ونبرش الثوم كذلك ونحط الدجاج فالاشوار ونرحيه ونجيب مقلاة نحط فيها 2م ك زيت نشعل عليها النار ونضيف البصل يتقلى ثم نضيف عليه الجزر واليوم ونقلي جيداً

نضيف الملح واليابريكا الحلوة وم ك طماطم مصبرة وفلفل اسود وكزبرة مرحية ونخلط جيداً ونترك حشو الخضار يطيب ثم نضيف نصف كاس ماء ونخليها تطيب اي تستوي

نرجع الخضار على جنب ونضيف كمية الدجاج المرحي نقليه مليح ونرش عليه قليل من الملح ونحلو جيداً ثم نخلطو مع الخضروات ونخليه ينضج على نار متوسطة

فالاخير. نطفي عليه النار ونفرغو في صحن ونقشر 2حبات بطاطا نقطعها مربعات

نقلي البطاطا في زيت غزير ثم نحطها في صحن

الان نرجع نحضر العجين في رسبسيون نحط 2كاس ونصف فرينة مع ما ك سكر وم ك خميرة الخبرة وبياض بيضة وم ص ملح

نخلط جيداً ونضيف ربع كاس زبدة ذائبة ونخلط الزبدة جيداً في الفرينة ثم نجيب كاس حليب دافئ

نبدأ نضيف الحليب في الفرينة ونجمع حتى نتحصل على عجينة طرية نوعا ما نغطيها ونخليها تختمر جيداً بعد ما اختمرت

نرش سطح العمل بالفرينة ونحل العجينة على شكل مستطيل نجيب صينية فرن نحط عليها ورق طبخ ونحط العجينة فوقها ثم نفرغ كمية. الحشو على العجينة ونوزعها جيداً ثم نحط من فوق قطع البطاطا المقلية ثم قطع من الجبن الطري

نجيب صحن نحط فيه كاس كريمة سائلة نضيفلها 4م ما جبن طري نحب جيداً ونفرغ الخليط على كامل الحشو ونزين بحبات زيتون اسود ونشعل الفرن وندخلها نطيب من تحت كي تتحمر نشعللها من فوق ونحط كمية من جبن مبشور ونطفي النار حتى يذوب الجبن تماما

شكل المملحة بعد ما خرجتها من الفرن قطعتها إلى مربعات

قدمت الفطيرة المالحة مع حساء الخضار جات بزاف لذيذة