نخفق الزبدة مع السكر الناعم ورشة ملح

نضيف البيض بالواحدة تلوى الأخرى ثم نضيف الفانيلا

ثم نضيف النشاء المغربل وفي الاخير نضيف الفرينة والخميرة الكيميائية ونجمع العجينة حتى نتحصل على عجينة متماسكة وفي نفس الوقت طرية

نتركها ترتاح قليلا في الثلاجة ثم نأخذ قسم ونحطو في طاولة العمل لي فرشتها ببلاستيك ونرقها بواسطة الحلال ونطبع مربعات ونحطهم في بلاطو مفرش بورق الطهي وندخلها للفرن مسخن مسبقا ونتركها تنضج من أسفل فقط تاخذ لون جميل ونخرجهم ونتركهم يبردو جيداً قبل ما نلصق حبات الصابلي

في صحن نحط الكونفتير والشامية والكاوكاو ونمزجهم جيداً

نلصق حبات الصابلي بمزيج الكونفتير ونتركهم حتى يتماسكو

نقطع الشوكولاتة البيضاء لقطع صغيرة ونحطها في صحن ونحطها على حمام مائي ونحركها حتى تذوب وبدون أي إضافة نحط كمية من شوكولاتة في القوالب ونخبطها جيداً حتى تاخذ شكل ونحطها في المجمد حتى تتماسك وننزعهم

باقي الشوكولاتة نضيفلها ملعقة كبيرة زيت ونمزجهم جيداً ونغلف حبات الصابلي ونحطهم على بلاستيك مع دفع حبة الصابلي حتى نتخلص من الزائد من شوكولاتة ونتركهم حتى تتماسك شوكولاتة ؟

ثم بواسطة فرشاة أسنان جديدة ونظيفة نحطها في اللماع الذهبي السائل ونرش حبات الصابلي بها

ثم نحط القليل من شوكولاتة المذابة ونحط مربعات الشوكولاتة عيد مبارك ونحطهم في ناب وفي الكيسات وتقدم

وصح عيدكم 🎈🎉🎊