نحضر المرق في طنجرة كبيرة نضع زيت وسمن ولا زبدة والبصل قطعيه رقيق وملح خليه يتقلى مليح نزيد طماطم حب مرحية يتقلى زيدي شوي شحم ونقطع زوج حبات بطاطا مربعات رقاق وبعدها طماطم علب وهريسة يتقلى مع تحريك ونزيد توابل ونمرق بالماء مع فلفل قناوة او فلف احمر حار والاخضر يعطيوهم البنةو لا ناقصة طماطم علب زيدي

من جهة تكون جبتي سميد وملح وتلمي بالماء لعجين يكون حاكم روحو خاطر كي تريح تتطلق روحها اعجنيها مدة ربع ساعة اقسميها زوج كرات وخليها تريح شوي وحليها سمك رقيق بسميد رقيق ترشي وتحلي واطويها كيما رولي كل ماتطوي ديري سميد باه ماتلصقش وقطعيها في الاخير تخرج شرائط زيدي سميد وشوي فرينة وحليها على بعضاها كي تجي باش تجمري صفي مقرطفة في غربال ولوحي بشوي العجين وخليه يتجمر ماتحركيش بزاف اقلعي شوي المرق بجيهة باه كي تنشف تزيدي في حالة ما تتجمر حوالى 10 دقيقة على نار هادئة