في إناء نحط البيض والسكر والملح والفانيليا نخلطهم مليح بالفوي وممبعد نحط الحليب لي يكون ساخن باش يذوبلنا كامل السكر نخلط ونزيد الزيت ثم نحط كأس فرينة مع خميرة الحلويات ونأخذ شوية مالخليط نحط فيه الكاكاو ونرجع للخليط الاول نزدله الفرينة حتى نتحصلو على خليط ماشي ثقيل وماشي جاري.

نحطه في المول لي كنت درتله الزبدة ورشيته بالفرينة وندخله مباشرة للفرن لي يطيت مالتحت نشعله مالفوق كي خرجته خليته برد ودهنهته بالمربى وزينته (تزيين اختياري)