إفتح في تطبيق كوكبادالخطوات
- 1
في حلة علي النار نضع الماء والزيت وذرة الملح وذرة السكر لحد ما يغلوا
- 2
نضيف الدقيق ونقلب كويس لحد ماتتكون عجينة.. نرفعه من على النار ونتركه لحد ما يبرد
- 3
نضيف إلى العجين بعد ما يبرد بيضة وفانيليا ونقلب كويس لحد ماتختفي ثم نضيف بيضة اخري وفانيليا ونقلب كويس لحد ماتختفي ثم نضيف البيضة الثالثة وفانيليا ونقلب كويس لحد ماتختفي
- 4
نضع العجين في قمع بلح الشام ونحضر صينية وندهنها زيت ونعمل عليها شرايط طولية من العجين
- 5
في فرن مسخن مسبقا نضع الصينية لمدة نص ساعة علي درجة حرارة 180 او لحد ما يستوى
- 6
نسيب الاكلير يبرد وبعد كده نفتحه من الجنب بسكينة زي الساندويتش
- 7
للحشو نضع الباستري كريم في بولة ونضيف عليه اللبن ونضربه بالمضرب الكهربي ثم نستخدمه في حشو الاكلير من الداخل
- 8
للتزيين نضع الشوكولاتة السودا ومعلقة زبدة في حمام مائي لحد ماتسيح ونعمل كده برضه مع الشوكولاتة البيضا
- 9
نغطس وش الاكلير من فوق بالشوكولاتة السودا ونسيبه يبرد عشر دقايق في التلاجة
- 10
نخرج الاكلير ونرسم خطوط بيضه بالشوكه
- 11
ملاحظات(1)اتعاملي مع الاكلير زي الكيك،افتحي الفرن عليه بحذر عشان مايهبطش..(2) ممكن تحشي الاكلير بكريم شانتي او كاسترد او مهلبية، المهم قللي سكر الحشو لانه هيتغطى بشوكولاتة لسه فعشان مش يكون مسكر اوي.. (3)المقادير دي تعمل حوالي 17 قطعة إكلير
- 12
بألف هنا وشفا ولا تنسوني من صالح دعائكم 😍😍
وصفات مشابهة
وصفات ننصحك بمشاهدتها
التعليقات