في إناء نحط البيض و قشور البرتقال و الفانيليا و السكر و الزيت نخلطهم مليح بالباتور حتى يبياض الخليط و الزيت يدخل نضيف النشاء نخلط و نبدا نطم بالفرينة لي كنت ضفتلها خميرة الحلوة حتى نتحصلو على عجينة طرية كيما عجينة صابلي نقسم الى اثنين واحد كبير على الاخر لي صغير نحطه فالكونجيلاتور ونجيب ليمول تاعي و نبدا نشكل فيهم و في كل مول نحط ملعقة صغيرة مربى و نروح نوجد الحشو تاعي لي كنت خلطت البسكويت مرحي مع جوز الهند و نبدا نطم بالمربى حتى نتحصلو على خليط طري نحطه فوق العجينة لي بالمربى نجيب العجينة لي

حطيتها فالكونجيلاتور و نبشرها فالغليظ و ندخلهم مباشرة للفرن لي كنت سخنتو مسبقا كي يحمارو مالتحت نشعلهم مالفوق يحمارو و التزيين انا خليتهم هاك لكن تقدرو ترشوهم بالسكر الناعم و حتى يدفاو نديموليهم