اولا في قدرة تاع الكسكس نديرو كمية من الماء نخلوه يغلي جيدا و ندهن الكسكاس بالزبدة في هذه الاثناء نغسل الكسكس جيدا و نقطره جيدا و ندهنوه بشوية زيت و نخلوه يرتاح

نديروه فلكسكاس يفور لمدة ساعة تقريبا و بين الفينة و الاخرى نقلبوه

ممبعد نحطوه في اناء و نفتحوه بملعقة خشبية جيدا و نضع(ملعقتين صغيرة من الملح) رشتين من الملح و نشمخوه بشوية ماء و زيت جيدا و نخلوه ينشف مليح و نخلوه يرتاح و نديروه فلكسكاس يفور للمرة الثانية تقريبا ساعة بعدها نحطو الكسكس في اناء و نفتحه جيدا و نضع فيه ملعقة كبيرة و نصف من الزبدة و كأس زبيب و نخلطو الكسكس جيدا و نضعه في الصحون و نزينه بالقرفة و البيض و حلوة الترك و الڨرڨاع و شهية طيبة نرافقه باللبن و العنب و الدلاع