إفتح في تطبيق كوكبادالخطوات
- 1
ف قدر ع النار نحط اللحم ونضيف عليه ماي وبهارات بدون ملح ونتركه لين يغلي
- 2
اذا غلي نتركه ربع ساعه وكل شوي نفتح الغطاء ونشيل الأوساخ اللي تتكون فوق واذا كمل الربع ساعه نشيله ونخليه على جنب
- 3
ف قدر ثاني ع النار نحط شوية زيت ونحط البصل ونحط معاه الفلفل الأحمر المجفف ونقلب لين يصير لونه ذهبي نضيف له الثوم والزنجبيل والكزبره ونضيف له اللحم ونقلب
- 4
نضيف البهارات ومكعب الماجي ونحرك بدون اضافة الملح لان الملح يأخر عملية استواء اللحم ويخليه قاسي بعدين
- 5
ناخذ كاسه ونحط ماي للنص ونضيف له شوية صبغه وزعفران وربع ملعقة كركم ونخليها على جنب
- 6
بعده نضيف ماي لين يغطي اللحم تماماً ونخليه لين يغلي واذا غلي نحسب له ساعه ونطلع اللحم أو لين يستوي اللحم عندنا وقبل مايكمل ساعه من الغليان تقريباً٤٠ دقيقه كذا ضيفي ملح
- 7
اذا استوى اللحم نطلعه في صينيه للفرن وندهنه بالصبغه اللي جهزناها قبل وندخله الفرن لين يتحمر
- 8
نحط العيش ف الماي ونخليه على نار عاليه واذا قرب الماي ينشف نحط باقي منقوع الصبغه عليه ونخليه اذا نشف تماماً نوطي على النار
- 9
نحمي ٣ جمرات ع النار
- 10
اذا تحمر اللحم نحطه فوق العيش ونحط كاسه فيها زيت عادي بالنص ونحط الفحم فيه ونغطي القدر بألمنيوم ونغطيه بالغطاء ونخليه يتبخر على مهله ولازم نوطي النار على آخر شي
- 11
نجي للكشنه في تاوه على النار نحط شوية زيت ونضيف له شرايح البصل والزبيب والفلفل الأسود والملح والكركم ونقلب اذا تغير لونه نضيف ربع كوب ماي عليه ونحرك لين ينشف بعدها خلاص نطفي النار
- 12
اذا بغيتوا تغرفون العيش حطوا منه كميه بسيطه على الكشنه وحركوه بعدين حطوها على الوجه
وصفات مشابهة
وصفات ننصحك بمشاهدتها
التعليقات