نوجد كل المكونات ونبدأ على بركة الله، في إناء نحط حبة البيض مع رشة ملح والسكر وقطرات من مركز عطر الشكولاتة وقطرات من مركز عطر الزبدة، خلطت الكل بالفوي (الضراب اليدوي) حتى نساجمت المكونات وأصبح الخليط كريمي.
ملاحظة: ✔الكاس اللي عبرت بيه سعته 150 ملل.

ثم ضفت بالتدريج الزيت، مع التحريك المستمر حتى تتجانس المكونات ثم نضيف الحليب بالتدريج مع الخلط المستمر، ثم نضيف الكاكاو الخمارة وكاس فرينة نغربلهم باش الكيك يجي خفيف ومهوي.

ندخلهم مليح بالفوي جاني الخليط عاد خفيف ضفت ملعقة كبيرة فرينة نخلطها حتى تتجانس كل المكونات (الخليط خفيف شوية نكتبو رقم 8 يبقى ثواني ويختفي).

ندهن مول السليكون بشوية زبدة وندردر عليه الفرينة (يمكن تخطي هذه المرحلة لأن مول السلكون ما يلصقش)، عمّرت ثلاث أرباع وندخلهم للفرن المسخن مسبقا على درجة حرارة أقل من المتوسط ونخليهم يطيبو على خاطرهم الوقت تقريبا 15 دقيقة.
ملاحظة مهمة: ✔طريقة الطهي كل واحد والفرن ديالو.
✔القوالب صغيرة راهم يطيبو بلخف.

كي يطيبو نديموليهم ونخليهم يبردو فوق مشبك.

ذوبت الشكولاتة السوداء فوق حمام مائي، كي ذابت أضفت عليها 2 ملاعق زيت وخلطت الكل جيدا حتى أصبحت تقريبا سائلة.

غطست الدباديب في الشكولاتة كما هو موضح في الفيديو، ونحطهم فوق ورق الزبدة

نخليهم حتى تبرد الشكولاتة وتحكم روحها ونستفهم في صحن التقديم.

وقدّمتهم بألف صحة وهنا 😋👌🏻😋

يجيو بنان 😋وخفاف ريشة👌🏻، وشهية طيبة للجميع🥰.