نسلق المكرونه مع ماجي وزيت ، ونجيب قدر نضع فيه البطاطس مع الملح ونخليها تنسلق

بعد ما نغسل الدجاج المفروم نوضعه في قدر مع القليل من الزيت ونحركه حتى تنشف موية الدجاج ونضيف البهارات والبصل ورشة ملح ونحركه ونضيف نص كميه من الثوم والنص الثاني بعد الطماطم، نضيف الفلفل الرومي والطماطم والثوم وملعقتين من عصير الليمون ونزيد بهارات وملح اذا احتاج طبعا كل ما نضيف شي نحرك وبعدين نضيف اللي بعده (طبعا انا سويته في قدر الضغط👧🏻) ١٥ - ٢٠ دقيقه

بعد ما يجهز البطاطس المسلوق نخليها شويه ونشيل القشر بعدين نهرسها بالهراسه او نبشرها ببشارة الجبنه ونحط ملح وبهارات وجبن سايل نكورها ونحطها ف صحن لحالها

طبعا نسوي الباشميل طريقتها معروفه اللي هي (نص كوب حليب- ثلاث ملاعق دقيق-كوبين مويا-ملعقتين جبن سايل-بهارات وملح)

طيب هنا تكون جهزت المكرونه نجيب صينيه كبيره ونضيف فيها شوية زيت ونوزعه ع الصينيه كامله وناخذ شوية باشميل نوزعه في الصينيه برضو / بعدين ناخذ الدجاج اللي سويناه ونوزعه في الصينيه مو لازم الكميه كامله على حسب ونحط كرات البطاطس ونغطي كل وحده بالباشميل ثم نضيف المكرونه ونكون حطينا شوية باشميل مع المكرونه عشان الطعم وعشان ما تكون جافه ع العموم اخر خطوه نغطي الصينيه كامله بالباشميل ونحط جبن موزريلا

اذا في اي استفسار قولوه لي وان شاءالله بجاوبكم ، واول وصفه لي انزلها اذا كان مو مفهوم الطعم يا بنات والله رهيب وجميل ولأبعد درجه لازم تذوقوها. اكتب لكم وانا صايمه عشان ما تفوتكم💜