نبدا بسم الله.. بتنقعي الرز بالمي الفاترة كالمعتاد

بالطنجرة بتحطي شوية زيت زيتون وفوقها سن التومة مقطع واستني ليصير لونه دهبي ولا تحرقيه انتبهي..

على طول بتصفي الرز المنقوع وبتحطيه بالطنجرة نفسها

بتضلي تحركي لحتى شوي يبدأ يلزق أطراف من الرز او يتشرب زيت الزيتون "ثواني مش اكتر" وما تنسي الملح حسب الكمية

ولكل كباية رز كباية مي ، وازا نسيتي مثلا كم حطيتي رز! بتخلي المي تغمر الرز و زيادة شوي بحوالي "عقلة الاصبع"

وطبعا زي اي رز استنيه ليتشرب المي ع نار عالية... بعد هيك بتغطيه و على نار هادية لحوالي ربع ساعة أو لحتى يستوي برأيك..

و اكيد بتقدري تستخدميه مع أي طبخة بتحتاج رز جانبي متل الصوصات و الصواني والاكلات متل بامية ملوخية صينية بطاطا صينية لحمة بالخضار و غيرها...

وصحتين وهنا يا رب ❤