إفتح في تطبيق كوكبادالخطوات
- 1
اولا تحضير الفراخ للبريانى : نجيب حلى و معلقة سمنه و نشوح البصله
- 2
بعدين نحط الفراخ تتشوح معاها و نحط عليها اللبن و المية (بس انا بحط البن اكتر و اقلل المية) و نقلب ثم نحط التوابل بتاعتها.
- 3
توابل الفراخ معلقة صغيرة كارى و نص معلقه كركم و نص معلقة جنزبيل او معلقه و ملح نقلب و نسيب الفراخ تستوى و نروح نعمل الرز.
- 4
او لو عندكوا مطحون يبقى نص معلقه و حوالى خمس واحدات حبهان او لو عندكوا مطحون يبقى حوالى نص معلقه و ممكن رشة كارى او نص معلقه و ملح و نسيب المية تغلى..
- 5
ثانيا تحضير الارز للبريانى: حلة و فيها معلقة سمنه و نحط مقدار كمية الرز مية و نحط عليها قبل الغليان نص معلقة قرفه و نص معلقة كركم و كذا واحدة قرنفل
- 6
اما تغلى المية نشيل حبات القرنفل و الحبهان من الميه و نحط الرز (الرز ننقعه ربع ساعه او اكتر قبل ما نحطه فى المية) نسيبه يستوى بقى و اما تتشرب الميه بنقلب و بنهدى النار لحد ما يستوى خالص.
- 7
ثالثا : بنشو الفراخ استوت ولا لا لو استويت نطفى عليها و دا بيبقى شكلها بعد ما استويت.. نروح بقى نحضر الدقة اللى بتتاكل مع البريانى:
- 8
الدقة سهله و لذيذة : 2 طماطم و حابة بقدونس متقطعين مش كتير و حوالى معلقة كبيرة كمون و ليمونه معصورة و و حوالى معلقه كبيره خل و رشة مية و ممكن شوية ملح صغيرين و كل دا نضرب ضربتين فى الخلاط او المفرمة.
- 9
بنشيل الخلطه دى فى حاجه غويطه لحين الغرف و نشوف الرز اللى غالبا بيكون استوى و دا بيبقى شكله.
- 10
نجيب صينية و نحط نص الرز ونفرده
- 11
و بعدين نحط الفراخ بنصفى بالكابشه من الخلة و نفردها على الرز
- 12
و بعدين نحط باقى الرز على الفراخ و نفرده
- 13
و احيانا بحط من خلطه الفراخ على وش الصينية عشان بتتدى طعم حلو.
- 14
و ندخل الصينية الفرن خمس داقايق من تحط و خمس دقايق فى الشواية من فوق و بعد كده بنطلعها و نغرف..
- 15
و بتتاكل عادى ممكن جنمبها طبيخ زى بطاطس مثلا و ممكن تستكفوا بالخلطه اللى عملناها تتاكل بيها و حابة بطاطس محمره و بالهنا و الشفا
- 16
هى شكلها يدى انها صعبه بس انا باستسهلها جدا و مش بتاخد نص ساعه عمايل و مش مكلفه و طعمها حلو جدا.. ان شاء الله تعجبكوا.
كلمات ذات صلة
وصفات مشابهة
وصفات ننصحك بمشاهدتها
التعليقات