هانجيب الكنافه ونحطها في الفريزر شويه وبعد كده نطلعها نفركها ونقلب عليها السكر البودره ،هانجيب السمن البلدي ونسيحها ونقلبها علي الكنافه

بعد كده نجيب قوالب الكاب كيك وندهنها زيت خفيف وناخد جزء من الكنافه نحطه فيها بحيث نعمل حفره في النص (يعني نفرد الكنافه في جدار وارضيه القوالب ونسيب النص فاضي)عايزينها تبقي شكل الكب.

نجيب شيكولاته جالاكسي ونقطعها مكعبات ونحط جوه كل كب كنافه قطعه شيكولاته ومعاها معلقه قشطه.

بعد كده نجيب بقيه الكنافه ونحطها علي وش الكب (نغطيها ونضغط كويس) علشان الحشوه ماتخرجش وعلشان تاخد شكل الكب

ندخلها الفرن تحمر..بتاخد حوالي ربع ساعه نطلعها من الفرن ونحط عليها من فوق صوص الشيكولاته (عباره عن شيكولاته سايحه في المايكروويف مع معلقتين قشطه)