اسلقي اللحمة لمده ساعه ونص اول مايطلع الزفر حق اللحمه شيليها على طول وبعدين حطي البهارات حق اللحمه وانتبهي لاتحطين ملح☝

بعد ماتنسلق اللحمه لمدة ساعه ونص شيلي اللحمه من الموية وحطيها على جنب، طبعا موية اللحمه خلاص كبيها لانك ماراح تحتاجينها☺

جيبي قدر ثاني واحمسي فيه البصل والثوم واللحمه وحطي الليمون الاسود وورق الغار والقرفة والفلفل الاسود والفلفل الاخضر الحار ولاتحطين ملح انتبهي (عشان تستوي اللحمه بسرعه) وبعدين حطي ماجي وصبي فوقها الموية الحارة وغطيها خليها تنسلق مرة ثانية لمده ساعه ونص.

مرت ساعه ونص؟ جيبي كاس فيه نص موية وحطي كركم وشويه ملح وفلفل اسود ، شيلي اللحمة من القدر (انتبهي لاتكبين الموية اللي سلقتي فيها اللحمه عشان راح تسلقين فيه الرز)

حطي اللحمة بصينية وصبي فوقها خلطة الكركم ودخليها الفرن بدرجه 180 لمدة 20-25 دقيقة.

غسلي الرز زين وحطيه بالقدر اللي سلقتي فيه اللحمة وحطي ملح

بعد مايستوي الرز واللحم رشي فوق الرز شوية كركم وبعدين شيلي اللحمه وحطيها فوق الرز، ولعي فحم وحطيه بفنجان وحطي الفنجان جوة الرز وصبي عليه شوية زيت وقفلي القدر لمدة نص ساعه..

تبينه يطلع مثل المطاعم؟؟ كشني بصل مع شوية زبيب وصنوبر ورشيه فوق الرز وقدميه.

بالعافية😘