ننقع الرز في مي سخنة وبنسلق الدوالي

ازا كانت الدوالي مفرزة بكتفي انو أحطها بماء سخنة واشيلها اما ازا كانت طازة بسلقها سلقه كاملة

بعد ما ينقع الرز شي تلت ساعه بصفيه وبحط عليه البهارات والفلفل الأسمر والملح والماجي والزيت زيتون والنعنع وبخلطهم سوا وممكن أحط معلقتين رب البندورة مع الخلطة

بنفرد ورق الدوالي وبنحط فيها الرز وبنسكرها هيك لحد اخر حبة

بنجيب الطنجرة يلي حابين نطبخ فيها بقاع الطنجرة بشرح بطاطا دوائر والبندورة كمان والتوم بخليهم شوي كبار ليعطو نكهة

بسفط الدوالي بطنجرة الضغط انا بحب أعملهم وبحط شوي زيت زيتون على وجه الدوالي وبرش كم حبة هيل وبجيب قدر نص شاف مي وبحطهم ع الدوالي بشرط المي ما تكون اكتر من الدوالي ولا تغمرهم

بستنى لحد ما تصفر صفارة الطنجرة وبوطي عليهم وبعير ساعه الا ربع وبطفي عليهم ازا عندك لحمة أو جاج حطي بالطنجرة

بإمكانك تعملي جنبها شوربه وسلطة عادية او سلطة لبن وخيار وبتزينيها بشرائح الليمون واي اضافه بدك اياه

وصحتييين وعافية