إفتح في تطبيق كوكبادالخطوات
- 1
اول شي بنوخد الدجاج المسحبه من العظم كامله ونفردها على ورق زبده او كيس الخاص بتغليف الطعام وبنضع فوقه كمان ورق زبده او كيس الخاص بتغليف طعام وبندقها بالمدق الخاص باللحم او بواسطة اي اداه ثقيله لحتى تصير قطعة الدجاج رقيقه بس مو كثير المهم تفرد معكم
- 2
ولما ندقها بنتبلها بخليط زيت زيتون مع الليمون والبهارات والملح نتبلها من الداخل منيح منيح
- 3
بنكون قطعنا النقانق بشكل طولي كل قطعه نقسمها لقطعتين ونضع كل قطعتين جنب بعض بشكل طولي على طرف الدجاج يعني زي ما بنعمل الساندويشه وبنفرد فوقها الجبنه
- 4
بنلف الدجاج على بعضو مثل الساندويشه وبنحاول نسكر الجوانب قدر الامكان وبنحضر خيط الخاصبالطعام او خيط فتل وبنربط الدجاج نبلش من الوسط للجوانب وبعدين نربطها من الاطراف
- 5
بنشغل الفرن على درجه حرارة 220 وبنخلي ليحمى منيح
- 6
بنحضر صينيه فيها خضروات الي بتحبوها وبنتبل الجاجه من بره بالبهارات وزيت الزيتون والملح وبنضعها بالصينيه وبنصب على الجاجه الخل ودبس الرمان وصوص الصويا وبنصب بطرف الصينيه الماء وبنسكرها بورق زبده وفوقها قصدير
- 7
وبنخليها بالفرن ربع ساعه على حرارة عاليه وساعه على حرارة180
- 8
وبس تستوي بنشيل ورق القصدير وبنفك الخيطان الي ربطنا الجاجه فيها لانو اذا اتحمرت مارح نقدر نفك الخيطان بسهوله هي بتوخد وقت...وبنحمرها منيح وبنطفي الفرن وبسرعه بتحطي باقي الجبنه. المبروشه الي ظلت وبنزينها بدوائر النقانق وبنخليها بالفرن الحامي لحتى اذوب الجبنه
- 9
وبعدين نطلعها من الفرن وبنخليها ترتاح عشر دقايق وبنقطعها وبنزينها بالبقدونس وبنقدمها مع الخضروات وجنبها سلطه معكرونه بالمايونيز او اي سلطه بتحبوها
وصفات مشابهة
وصفات ننصحك بمشاهدتها
التعليقات