اول اشي بنجيب حليب الغنم وبنغليه فترة منيحة وبنخليه يبرد

بعدين نحط خميرة اللبن الرائب على الحليب عشان يصير لبن رائب

.في اليوم التاني...بنحط الحليب بآلة مخصصة لخض اللبن وفصل اللبن المخيض عن الزبدة...زمان كانو يستعملو (السعن) لفصل الزبدة عن البن وكانت تصنع من جلد الاغنام

وبعد عملية الفصل بجيب اللبن المخيض وبنغليه بدون ما نحركه حتى نفصل الماء عن اللبن حتى يتخثر...

وبعد هيك بنحط اللبن اللي انفصل عن الماء بكيس من القماش الابيض النضيف ونكبسه منيح بين حجرين حتى يصفى من الماء على الاخر ويضل مكبوس لمدة ثلاث ايام او اربع ايام.

وبعد هيك بنجيب اللبن اللي تصفى ونحطه بوعاء عميق ونضيف عليه كمية مناسبة من الملح حسب اللبن وبنعجنها ووبنعملها على شكل كرات دائرية

وبنحط الكرات على ارضية نظيفة ونعرضها للهوى والشمس ونغطيها بقطعة قماش خفيفة حتى ما تتعرض للغبرة وتتوسخ وبنخليها مدة يوم او يومين حتى تنشف وتجف تماما وبعد هيك بنحفظها بكيس قماش ونتاكد لازم تكون ناشفة منيح

وهي طريقة عمل الجميدد بالتفاصيل المملة وبتمنى الخير للجميع ❤❤❤❤