اولا تجهيز اللحمه تحطي طاسه غويطه او حله عالنار وبعد مالزيت يسخن تحطي اللحمه وتقلبيها لما يتغير لونها في الوقت دا تكوني قطعتي بصلتين حتت صغيره او افرميهم

ضعي زيت الزيتون او معلقه سمنه عاللحمه ثم ضعي البصل والبهارات ماعدا الملح وممكن تحطي مايه علشان اللحمه تستوي بس مش كتير يعني نص كوب كفايه وسيبيه وقطعي الفلفل الالوان المكبب

بعد مالبصل يتغير لونه للوردي يدبل ضعي الفلفل واتركيه وغطي الاناء كل ماتحطي اي حاجه وقطعي الطماطم حوالي ٢ طماطم قطعيهم حتت صغيره زي الفلفل والبصل

ضعي الطماطم وقلبي وزودي مايه ودلوقتي حطي الملح وغطي عليها لحد ماللحمه تستوي دائما اجعلي الملح اخر اضافه فالطبخه

الجلاش بقي عديه واقسميه نصين تمام

هاتي صينيه وادهنيها بالسمنه وحطي اول نص قسمتيه بس واحده واحده وبين كل واحده ادهنيها بالزيت يعني حطي واحده وادهنيها وحطي عليها التانيه وادهني والتالته وادهني والرابعه وادهني والخامسه وادهني والسادسه حطي بقي اللحمه المفرومه ممكن تحطي عليها رومي او موتزريلا الطعم بيفرق وبعدين حطي ورقه جلاش وادهنيها وهكذا لحد مايخلصوا

بعدين تقطعيه بالسكينه على حسب ماانتي هتقدميه بعد كده وتجيبي طبق وتحطي فيه بيضه ونص كوب لبن وفلفل وملح وتقلبيها حلو وترشبها على وش الجلاش واتركيها من ربع الي نص ساعه لحد مايتشرب اللبن

بعد كده تدخليه فرن ساخن لحد مالوش يقرب يحمر او الجوانب طفي النار وشغل الشوايه وبالهنا