نغسل الفرخة كويس من جوه ومن بره بالليمون والدقيق ونفتح ما بين الجلد واللحم بصوابعنا لحد الزور بس بالراحة علشان متتقطعش.

ينقع الرز لمده نص ساعة فى ميه سخنه.

بعد ما نصفى الرز من الميه السخنه نحط عليه بصلايه متقطعة صغير وملح وفلفل ومعلقه سمنه ونقلبهم كويس ونظبط الملح.

نحشى الفرخة كويس ومابين الجلد واللحم بس مش اوى علشان متفرقعش فى التسويه.

نحط فى حله على النار ميه بتغلى وفيها ملح وفلفل وحبهان وورق لورا وبصلايه وطمطماية وجزراية.

نحط الفرخة ونقفل عليها لمده ربع ساعة على نار عالية وبعدين نسيبها تلت ساعة على نار هادية.

نشيلها بعد الوقت ومنسيبهاش فى الشوربة لتتهرى.

اول ما تبرد تتحمر فى معلقه سمنه او زبدة على النار او ندهنها بصلصه وسمنه ونحطها تحت الشواية عشر دقائق من كل الجوانب لحد ما تتشوى.

وبالهنا والشفا 😍