ينقع الحمص قبل يوم من تحظيير الاكله .

البصل يفرم ناعم ويوضع في الدهن للحمس يعني البصل يقلى في الدهن لحين ان يصبح لونه اشقر ومن ثم يوضع اللحم قبل السلق مع البصل المقلي ويضع قليل من الهيل حتى نتغلب على رائحه اللحم.

بعد ذلك نضع اللحم مع الحمص مع اضافه كميه من الماء ونترك اللحم والحمص لحين مايستوون.

بعد ذلك نخرج اللحم مع الحمص وبواسطه اله اسمها الطخماخ او هاون (الهاون مو المدفع قصدي) ههههههه نقوم بدق الخليط لحين ما يتجانس ويصبح قطعه واحده.

بعد ذلك نخلي الخليط بالقدر ونضيفله الماء الي طلعناه من الحمص واللحم اثناء السلق ونقوم بوضعه على النار ونقوم باضافه الملح حسب الرغبه والنومي بصرة المطحونه والكمون والدارسين هذه كلها نظل نضيفها لحين الحصول على الطعم المناسب .

نسيت اكول نحط معجون طماطم بعد منخففه بالماء.

بعد ذلك نتركها على النار حتى تصبح (ثخينه) جدا متماسكه يعني وهذه الي تميز القيمه النجفيه ثخينه جدا جدا.

اكيد مراح ننسى التمن او الرز ويفضل يكون عنبر ومطبوخ بالزعفران.

والف صحة وعافية على كلبكم😘

وللاستفسارات عن بعض الشغلات مثلا: حمص أي نوع ؟ الكامل النخي أو المكسر ؟ الحمص الكامل. البصل ماقصدكم بكلمة يابس ؟؟ فيه بصل أنواع ؟ البصل الي يصير لون قشرته اصفر والي يكون رائحته قويه جدا. 😙😙😙😙 يمكن قصدكم نومي العماني فهو ما يتم وضعه عادة بالمرق؟ نعم اتصور هو. 💝💝💝💝💝💝 مالاحظنا كركم.. لماذا لا يستخدم الكركم لهذا المرق غريبة شوي علي! الكركم يغير طعمها فلا داعي للكركم.

وهي كتبت الكم بعض الاسئلة واجوبتها واتمنى انو تعجبكم الوصفة حبيبات كلبي😍