دي المكونات

هنقطع الخضار مع المشروم ونحط عليهم التوابل ونسيب المشروم يتتبل في البصل والثوم ساعتين علي الأقل عشان طعم المشروم بيحلو أكثر لو متّبل...زيه زي اللحمة والفراخ بالضبط

في طاسة مبتلزقش هنحط المشروم والخضار مع ٣معالق صلصة و٣ معالق مياه (بدل الزيت)...ونبتدي نشوّح المشروم (نص تسوية عشان لسه هينزل تحت الجريل أو في فرن لو عندِك فرن ☝️....انا معنديش 😢)مع التقليب المستمر عشان ميلزقش في الطاسة

نيجي للعجينة بقي...هنعجن الدقيق مع مياه و خميرة فورية (نحط المياه واحدة واحدة لحد ما العجينة تبقي طَرِيَّة وماسكة نفسها في نفس الوقت)ونسيبها ساعتين لو عندك وقت ولو معندكيش مش مهم 😅...عشر دقايق كفاية...وكله بيتاكل في الآخر 😅😅

نرش السطح اللي هنفرد العجينة عليه بالدقيق كويس ونفرد كويس بالنشّابة ونشّكل العجينة علي الشكل اللي إحنا عاوزينه...دواير -مربعات -مثلثات، كله شغّال 😅😅

نحط ٣ معالق الصلصة

ونفردهم

ونرص المشروم

ونقطع البقدونس ونحطه فوق المشروم (وهنا انا غلط غلطة اني محطتش دقيق باودر كفاية تحت العجينة وانا بأفردها ، في بعد أما عملت الشكل الجميل ده لزقت في البتاعة الخضرة اللي تحتيها ديه 😅😅😅)

و طِلعت بالشكل العجيب ده من بعد الحادثة 😅😅(أنا معنديش فرن هنا في الحل إني بسّوي قعر البيتزا في طاسة مبتلزقش)

وبعدين أسوي الوش بتاعها تحت الجريل

و رشيت رشة بقدونس تانية و زعتر عشان ألوانها تبقي أحلي وتفتح النِفس كده (هي شكلها مِدي علي فراخ مشوية أنا عارف ،بس بالحظ والصدفة البحتة والله 😅😅)