بنقطع البصل ناعم و بنقلي ليدبل و نحسو استوا بنضيف اللحمه المفرومه و بنقليها لتروح ميتها و بنضيف البهارات و الملح و بس نقلبها ٥ دقايق و بنحط صنوبر و بنشيلها عالنار بس تستوي

بس تبرد الحشوه بنفرد العجينه تبعيت الشيشبرك سبق و حطيت طريقتها و بنقطعا صغير و بنحشيها و بنشكلها و بنصفهن عصينيه مرشوشه طحين

الكبه حنزل طريقة عملها لحال بس نجهزها بنقليها و بنحطها عورق مطبخ

بنحتاج كيلو لبن او حسب الكميه الي انت حابه تعمليها بس قاعده لكل كوب لبن ملعقه كبيره طحين بندوبهن بمي اذا كيلو بندوبهن بكوب مي

بننزل الحين المذوب من خلال مصفايه عشان التكتلات

و بنحط اللبن عالنار و مابنوقف تحريك ابدا كرمال ما يفصل

بنكون محضرين تقلاية توم و كزبره عجنب بنقلي التوم المهروس مع زيت و ملح و بنضيف الكزبره فوقو دقيقتين و بنطفي النار

بس يغلي اللبن بنضيف الشيش برك بنحاول نتخلص من الطحين الزايد الي عالشيشبرك

و بنحرك بهدووووء عشان العجين بس يبدا يطلع العجين عوج اللبن بيكون استوا بنضيف الكبه المقليه ساعتها

و بنضيف تقلاية التوم و الكزبره و بنزبط الملح و بنتركهن يغلو دقيقتين و بنطفي النار

و بنسكبهن بجاطات و بيتقدم مع رز بشعيريه و صحتين و هنا ❤️❤️❤️❤️